Otsailaren 10ean jokatu zen Euskadiko Helduen Taekwondo Teknika Txapelketa, Miribillan. Laudioko zortzi kirolarik hartu zuten parte bertan, eta emaitza esanguratsuak erdietsi zituzten.
“Poomsae” atalean urrezko eta brontzezko bina domina eta zilarrezko bat eskuratu zituzten. “Freestyle” kategorian, aldiz, urrezko hiru domina lortu zituzten laudioarrek.
Espainiako txapelketari begira
“Balorazio oso positiboa da”, azaldu du Olga Gutierrezek. Laudioko Taekwondo Klubeko kideak nabarmendu du garaipen hori eskuratu dutela abenduan Espainiako kluben arteko txapelketan urrezko domina bat eta brontzezko lau lortu ostean. “Aurrera goaz, lan egiteko gogo askorekin”. Espainiako hurrengo norgehiagokara begira daude orain, apiril-maiatza inguruan egingo baita: “Dominaren bat lortzea espero dugu”.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
