HAPOa moldatzea onartu da udalbatzan, Mercadonak saltokia ireki dezan

Tresmarfil enpresa zegoen tokian ireki nahi du Mercadonak saltokia. / Aiaraldea.eus

EH Bildu ez beste talde politiko guztiek bozkatu dute alde. 

Gaurko Udal Osoko Bilkuran eztabaidatu eta bozkatu da Mercadonak Laudion saltokia irekitzeko onartu beharreko puntua. Gehiengoa lerrokatu da Hiri Antolamendurako Plan Orokorraren -HAPO- moldaketa puntuala egitearen alde, EH Bildu izan da abstenitu den bakarra.

Aldaketa eginda, zoru industriala izatetik lur komertziala izatera igaroko da supermerkatua barne hartuko lukeen pabilioia. Aldaketa hori gabe Mercadonak ezingo luke eraikin hori saltokia jartzeko baliatu.

Eztabaida sutsua egon da udalbatzan. Omniak salatu du beste hainbat lur daudela herrian erregularizatu gabe. EAJk bat egin du alderdi independentearekin, eta gaineratu du Mercadonaren balizko irekierak “Laudio mapan kokatzeko” balio dezakeela. Txaro Sarasuak, bere aldetik, nabarmendu du internet dela “tokiko merkatarien benetako etsaia”.

EH Bilduk gogor kritikatu ditu oposizioko alderdien jarrerak. “Guk nahi duguna da herritarrek non erosi aukeratzeko parada izatea”, azaldu du Iñigo Martinez Cerrillo zinegotziak, “eredu honi helduz gero, 15 urte barru ez da aukerarik egongo, proiektu horrek tokiko merkatari eta ekoizleak irentsiko dituelako”.

Erlazionatuak

Mercadonaren balizko irekieraren aurrean, kartak mahai gainera

Laudio

Mercadonaren Laudioko saltokiaren proiektua atzeratzea leporatu dio EAJk EH Bilduri. Koalizioak Udal Osoko Bilkurara eramango du supermerkatuaren i...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide