Garnica taldeak erosi du Maderas de Llodio kooperatiba

100 langile ditu Maderas de Llodiok Laudion. / Maderas de Llodio

Duela urtebete hasi zen prozesua eta 2017ko bukaeran jakinarazi zien zuzendaritzak langileei Garnicaren asmoa. Beharginek Garnicak ikuskaritza egitea ahalbidetu zuten eta eskaintzaren zain geratu ziren horren ostean.

Pasa den astean egin zuen publiko Garnica taldeak Maderas de Llodio enpresa erosi duela. Langileen iturriek azaldu dute behargin orok babestu duela salmenta eta akziodunen %98ak. Akzio bakoitzaren truke 98 euro ordaindu ditu Garnicak eta, langileen ustez, 66.000 akzio inguru egonik, 6,4 milioi euro baino gehiagoko balioa izan du eragiketak.

Printzipioz, erosleek iragarri diete langileei ez dutela inor kaleratuko. Garnicak Maderas de Llodioren esparru ekonomiko bera jorratzen du. Laudion 100 behargin baino gehiago daude negozioan eta hemengo lantegiak pinuzko taulak ekoizten ditu.

Garnicak, ordea, 5 faktoria ditu, 950 langilerekin. Biek egiten dituzte euren salmenta kopuru gehiena nazioarteko merkatuetan. Iaz Maderas de Llodiok 21,5 milioi euro fakturatu zituen. Garnicak, aldiz, 200 milioi euro baino gehiagoko salmentak izan zituen.

Erlazionatuak

Maderas de Llodio enpresak Laudioko Udalarekin duen zorra negoziatu du

Laudio

Uztaileko udalbatzan erabaki zuen Laudioko Udalak Maderas de Llodio enpresak duen zorra moldatzea. Izan ere, kooperatibak 115.330,13 euro zor dizki...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide