Orbeko Etxean aritzen diren zenbait lagunek sortu dute Star Wars: El último concierto filma. Ekainaren 29an estreinatuko dute Jedi Galaktikoa jaialdiaren edizio berrian, etxe okupatuaren urteurrenaren barruan.
Javier Gil laudioarrak idatzi eta zuzendu du Star Wars: El último concierto pelikula eta Iván Gil izan da ekoizlea. Lana "fan film" generoaren barruan dago, hau da, espazioko sagaren jarraitzaileek ekoiztutakoa da. 32 minutu irauten du, gazteleraz dago egina eta herriko zenbait pertsona agertzen da bertan.
Obrak film originalen pasarteak eta Laudioko etxe okupatuan bertan hartutako irudiak uztartuko ditu, besteak beste. Izan ere, istorioa Darth Vaderrek eta bere metal taldeak Orbeko Etxean ematen duten kontzertuan dago girotua.
Orbeko Etxearen urteurrenaren barruan estreinatuko dute filma, Jedi Galaktikoa jaialdiaren edizio berrian. Ekainaren 29an izango da zita, ostiralean, 19:30ean. Pintxo-potearekin hasiko dira eta pelikula sorta proiektatuko dute gero. Aurreko egunean, ekainaren 28an, emanaldia egingo dute; 19:30ean ere. Gero, 22:00etan Fan-O-Rama jaialdiaren txanda helduko da eta Futurama telesaioa omentzen dituzten lanak proiektatuko dituzte.
Aurtengoa Jedi Galaktikoaren VI. edizioa izango da.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
