Laudioko EAJko zinegotziek prentsaurrekoa egin dute gaur azaltzeko "jazarpen sistematikoa" pairatzen ari direla azken astean.
Asteazkenean Batzokiko ikurrina lapurtu eta ikur espainiarrarekin ordezkatu ez ezik, kartelak ere jarri zituzten EAJren aurka. Horrez gain, asteburuan zenbait jeltzale iraindu dituzte. Juanma Ibarretxek, udal taldeko bozeramaileak, jarrera eta ekintza horiek EH Bilduko ingurukoei leporatu dizkie, zehazki Ernai gazte antolakundeari.
Ordezkari politikoek argitu dute kritikak jasotzeko prest daudela, baldin eta errespetuz egiten badituzte eta jokabide demokratikoa baliatzen bada.
Hori dela eta, nabarmendu dute ez dutela iraganera itzultzeko asmorik eta jazarpena gelditzeko eskatu dute. Horren aurrean, jeltzaleek aldarrikatu dute bizikidetza eta elkarrizketa izan behar direla baliatzen diren tresna politikoak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide