Gazte Asanbladak piztu ditu Aretako jaiak

Aimar Gutierrez Bidarte 2018ko uztailaren 25a
Deskargatu Info Ahotsak :

Gaur arratsaldean hasi dira Aretako jaiak eta igandera arte luzatuko dira. Egitarau oparoa antolatu dute bost egun hauetarako.

Aretako Gazte Asanbladari egokitu zaio Aretako jaiei hasiera ematea. Pregoia irakurri ostean txupinazoarekin batera hasi da festa giroa. Bost egun dituzte aurretik orain Aretako Jaiek, ekintza eta musika eskaintza zabal batekin.

Urte osoan zehar gauzatutako lanaren errekonozimendu modura eskaini dio Aretako Jai Batzordeak Gazte Asanbladari pregoilari eta txupinero izateko ohorea, Izan ere, Aretako haurren aisialdi ekintza andana antolatu ditu Gazte Asanbladak azken urtean “herrian euskara sustatzeko helburuarekin”.

Asanbladako kideek ere ohartarazi dute ez dutela inongo erasorik onartuko Aretan, eta, gertatuz gero irmoki erantzungo dutela adierazi dute.

Jendartea Laudio Areta

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide