aiaraldea.eus

Aurkeztu dute Euskararen jaiko egitaraua

Erabiltzailearen aurpegia Izar Mendiguren Cosgaya   Euskara  Laudio

Irailaren 29an izango da egun nagusia. Ostiralean umeentzat ekintzak egongo dira. Larunbatean ez da herri bazkaririk egongo, baina elizako arkupeetan aulkiak eta mahaiak jarriko ditu eskura antolakuntzak.

Aurkeztu dute Euskararen jaiko egitaraua
Herriko plazan izango dira ekintza gehienak. / Aiaraldea | Ikusi handiago | Argazki originala

Azken urteetan bezala, irailaren 29an izango da Laudioko euskararen jaia, hilabeteko azken larunbatean. Ostiralean, ordea, haurrentzat ekintzak egongo dira herriko plazan: tailerrak eta diskotxantxa ikuskizuna. 17:30ean hasiko dira jarduerak, eta iluntzera arte luzatu. 

Larunbatean ekoizleen azokak abiatuko du eguna, Batzalarrin kalean kokatuko dira 10:00etatik aurrera. 12:00etan egingo dute urrezko makilaren ekitaldia. Ondoren, Itxarkundia dantza taldearen erakustaldiak hartuko du festaren lekukoa. Dantzatu ez ezik, kantatzeko parada ere eskainiko du Basalarrina elkarteak, Nafarroa Kanta Taldearekin kalejiran abiatuko baitira 13:30ean. 

Herri bazkaririk ez
Azken urteetan herri bazkari ezberdinak antolatu dira guneka. Aurten, ordea, elizako arkupeetan aulkiak eta mahaiak ipiniko dituzte antolatzaileek, norberak bere janaria eramateko. Dena den, Itxarkundia dantza taldeak 40.urtemugako bazkaria prestatuko du: sagardotegi menua. Txartelak salgai daude dagoeneko. 

Arratsaldean ere arituko dira Nafarroa Kanta Taldeakoak kalerik kale herria girotzen. "Patxi Perez eta konpainiarekin" dantzaplazaz gozatzeko aukera ere izango da 18:30ean. 21:00etan bukatuko da eguna erromeriarekin herriko plazan.  

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa