Juan Antonio Bengoak irabazi du Erosketen Karruselaren lehen zozketa. Hori dela medio, 2.000 euroko txartela eskuratu du ostegunean gastatzeko herriko merkataritzan.
Irailaren 21ean egin zuen zozketa APILL Laudioko merkatarien elkarteak eta Juan Antonio Bengoa izan zen irabazlea, Latiorroko Supermerkatuak-en egindako erosketari esker.
Hori dela medio, ostegunean goiz osoa izango du 2.000 euroko saria trukatzeko Erosketen Karrusela kanpainara atxikitu diren dendetan. Talde animatzailea izango du horretarako.
Egitasmoaren hurrengo zozketak urriaren 11n eta 31n izango dira.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
