La Viña Berria tabernan lapurtu dute bart, eta beste hiru establezimendutan egin dute saiakera

Ertzaintzak egin ditu ikerketak gaur goizean./ aiaraldea.eus

Gauez La Viña Berria tabernan lapurreta egon da eta gauza bera egiten saiatu dira Tolo eta Ederki tabernetan. Horrez gain, larunbatean goizean Araba kaleko estankoan ere sartu ziren lapurrak.

Bart La Viña tabernan lapurtu dute. Zehazki, leiho bat apurtu ostean sartu dira lokalean kutxa erregistratzailea eramateko. Negozioaren jabeak azaldu du uste duela alarmak ez duela jo: "Ez dakit seinalea bertan behera uzteko zerbait erabili duten".

Ertzaintza egon da 09:20ak aldera frogen bila tabernan, erakundearen gain baitaude ikerketak.

Tolon eta Ederkin ere
Antza, bart bertan Ederki eta Tolo tabernetan ere lapurreta saiakerak gertatu dira, emaitzarik gabe. Berez, Toloko terrazatik barneratu dira ezezagunak eta bi ate behartu badituzte ere, alarmak jo duenez, lapurrek ez dute aukera izan ezer eramateko.



Estankoan larunbatean
Kasu horiei beste bat gehitu behar zaie. Izan ere, larunbatean Araba kaleko estankoan ere aritu ziren lapurretan. "Pertsianako kable batzuk moztu eta gero sartu ziren, baina alarma piztu zen eta ihes egin behar izan zuten. 06:30ak edo 07:00ak aldera jakinarazi zidan segurtasun enpresak", argitu du jabeak.

Erlazionatuak

Aretako Otarte okindegian ere lapurtu dute

Laudio Areta

Maiatzaren 1ean gertatu zen lapurreta, gaueko ordu txikitan Otarten. Estolda baten estalkia bota zuten sarrerako kristalaren aurka dendara sartzeko...
Lapurretak Aiaraldean: EAEko kriminalitate tasarik baxuenetakoa du eskualdeak

Aiaraldea

Azkenaldian eskualdean lapurreta ugari egon direla dirudi, hainbat kasu agertu baitira komunikabideetan. Datuek, baina, oso bestelako errealitatea ...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide