Herriarenak elkartearen erakusketa, pilotaren iruditegia kolpatuta

Pilotak izandako eragina bildu du Herriarenak elkarteak Kultura Etxeko erakusketan. Emakumezkoen zein gizonezkoen argazkiak eta pilota jaialdiei lotutako euskarriak jaso dituzte bilduman. Bihar bukatuko da ikusteko epea.

"Pilotari buruzko gauzak bildu nahi izan ditugu erakusketan", dio Agustin Pelaez Herriarenak taldeko kideak. 100 piezatik gora eskuratu dituzte erakusketa atontzeko. Bihar izango da bisitatzeko azken eguna. 

Pilotaren ohiko iruditegia kolpatzen du erakusketak: 20ko hamarkadan, esaterako, baziren frontoian lehiatzen ziren emakumeak. Horren adierazle da "raketista" kubatarren argazkia: 30 andre baino gehiago ageri dira bertan, txapelketarako prest. 

Pilota jaialdietako kartelek, argazkiek eta oroigarriek osatzen dute bilduma nagusiki. Ikus-entzunezko gunea ere atondu dute, baita frontoiko hainbat piloten erakusleihoa ere. 

Aiaraldean ez da egon zestapuntako jokalarik. "Dena den, Jose Mari Urrutia Totolo omendu nahi izan dugu. Mexikon jaio zen, Ondarrutik Gernikara bizitzera joan bazen ere", adierazi dute antolatzaileek.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide