EH Bildu: "EAJk kaos itxura sortu nahi du Laudioko Udalean"

Aitor Aspuru Saez 2018ko azaroaren 16a

Jon Ander Altube alkateaordea eta Iñigo Martinez Cerrillo EH Bilduko zinegotzia. / Aiaraldea.eus

Iñigo Martinez Cerrillo zinegotziak erantzun dio EAJri, aste honetan plazaratutako oharraren harira. EH Bilduko gobernu taldearen ustez, erreala ez den egoera islatzen saiatzen ari dira jeltzaleak.

Gaurko prentsaurrekoan bere iritzia azaldu du EH Bilduk EAJk aste honetan zabaldutako oharrari buruz. "Hornitzaileek ez digute zerbitzua emateari utzi. Bistakoa denez, elektrizitatea eta berogailua dauzkagu udaletxean" esan du Iñigo Martinez Cerrillo zinegotziak.

EH Bilduko kideak gogor jo du jeltzaleen aurka eta, udal kudeaketari dagokionez, kaos eta alarma sortzeko asmoa egotzi die. "Diskurtso horrek 2011ko EAJ ekarri digu gogora. Ez dakigu nor den estrategia politiko horren arduraduna, baina 2015ean aurreko hauteskundeetan baino boto gutxiago lortu zituen EAJk, badirudi oposizioaren lehen taldea izaten jarraitu nahi dutela", adierazi du Martinez Cerrillok.

Horrez gain, zinegotziaren aburuz, jeltzaleak ari dira herriko irudia zikintzen, Laudioko Udalaren egoera oso osasuntsua baita.

Politika Laudio

Erlazionatuak

Udalak hornitzaileei berandu ordaintzen diela salatu du EAJk

Erredakzioa 2018 aza 15 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide