"Mozal Legea" ezarri diote Aiaraldeko Ernairi Altsasuko gazteen alde egindako ekintza baten ondorioz

Erredakzioa 2018ko azaroaren 19a
Deskargatu Info Ahotsak :

Guardia Zibilaren kuartelaren aurrean egin zuten elkarretaratzea Ernaiko kideek. / @ErnaiAiaraldea

Iragan ekainaren 7an Altsasuko gazteen aurkako epaiari erantzuteko eginiko ekintza baten harira zigortu dituzte Aiaraldeko gazte antolakundeko kideak.

Ekainaren 7an gazte talde batek elkarretaratzea egin zuen Laudioko Guardia Zibilaren kuartelaren aurrean Altsasuko gazteen absoluzioa eskatzeko, pankarta batekin Zumalakarregi etorbidea moztuz. Ertzaintzak unean bertan identifikatu zituen gazteak.

Ekintza horren harira, “Mozal Legea” bezala ezagutzen den 2015/4 Hiritar Segurtasunaren Babeserako Lege Organikoa aplikatu eta isuna ezarri diote gazte antolakundeko kide bati, besteak beste trafikoan eragindako nahasmenagatik eta jakinarazi gabeko elkarretaratzea gauzatzeagatik.

Altsasu kasua
Apirilean Altsasuko 8 gazte epaitu zituzten, Madrileko Audientzia Nazionalean terrorismoa egotzita, 2016ko urrian Guardia Zibil batekin izandako taberna liskar bat dela medio. Epaia ekaina hasieran egin zen publiko, gazteak 13 eta 2 urte arteko zigorrera kondenatuta. Guardia Zibilak ekainaren 5ean atxilotu zituen.

Azaroaren 14an bete zituzten zortzi gazteetako hiruk 2 urte ziegan, espetxeratze-prebentiboan baitzeuden 2016tik.

Politika Laudio
Erlazionatuak
Dozenaka herritarrek egin dute bat Altsasuko gazteei elkartasuna adierazteko mobilizazioarekin
Dozenaka herritarrek egin dute bat Altsasuko gazteei elkartasuna adierazteko mobilizazioarekin

Erabiltzailearen aurpegia Nora Latatu 2018 eka 14 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide