Ikuskizun errepikaezina eskaini dute Itxarkundiak eta Korrontzik ehunka lagunen aurrean

Leturia eta Aitor Aspuru pandero-jotzaileak aritu dira oholtzan, Itxarkundia eta Oinkari taldeetako dozenaka dantzarirekin batera.

Gaur arratsaldean eskaini dute Korrontzik eta Itxarkundiak denbora asko prestatzen zeramaten ikuskizun bateratua. Laudioko dantza taldearen 40. urteurrenaren barruan eskaini dute saioa. Laudioko kiroldegia jendez bete da, ehunka lagun bertaratu baitira euskal musika eta dantzak uztartu dituen emanaldia ikustera.

Kontzertu berezia izan da, dudarik gabe. Dozenaka dantzari igo dira taula gainera (Itxarkundiakoak eta Korrontzirekin aritu ohi diren Oinkari taldekoak). Horrez gain, gonbidatu berezi bat egon da: Aitor Aspuru trikitilari eta pandero-jotzaile amurrioarra. Leturia pandero-joltzaile mitikoa ere igo da oholtzara, hainbat abesti erritmo biziz hornitzera. Kiroldegian barrena kalejira bat eginez amaitu dute dantzaldia.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide