aiaraldea.eus

Tentsio uneak bizi izan dira grebalarien eta poliziaren artean Aiala Vidrio enpresan

Erabiltzailearen aurpegia Erredakzioa   Jendartea  Laudio

Bulegoko beharginak lantegira bertaratu direnean, grebalariak sarreran jarri dira eta horrek tentsioa sortu du.

Tentsio uneak bizi izan dira grebalarien eta poliziaren artean Aiala Vidrio enpresan
Poliziaren eta grebalarien arteko gatazka sortu da. / LAB sindikatua | Ikusi handiago | Argazki originala

Atzo gauean abiatu zuten Aiala Vidrioko langileek greba lan hitzarmenaren alde. Sindikatuek jakinarazi dute protestak erabateko jarraipena lortu duela.

Berez, hainbat behargin batu dira lantegiko sarreran eta 09:00ak aldera, bulegoko langileak sartzeko saiakera egin dutenean, sortu da gatazka.

Grebalariak atean jarri dira eta autoen zein lanuztea jarraitzen ari ez direnen ibilbidea oztopatu dute. Horren ondorioz, zuzendaritzak poliziari deitu dio eta hiru patruila bertaratu dira.

Sindikatuek adierazi dute tentsio uneak bizi izan direla poliziaren agerpenarekin. Izan ere, ertzainek azaldu dute sarrera ezin zela oztopatu. Langile ordezkariek ziurtatu dute poliziek grebalariak mehatxatu dituztela eta horiek, aldi berean, oihuka exijitu dietela joateko eta bakean uzteko.

Azkenean, egoera baretu da eta bulegoko langileek aurrera egin dute. Horren ostean, Ertzaintza joan da eta dena lasaitu da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa