aiaraldea.eus

Adikzioen prebentzioari buruzko laneguna egingo dute bihar Laudion

Erabiltzailearen aurpegia Txabi Alvarado Bañares   Jendartea  Laudio

Hainbat egitasmoetako ordezkariek hartuko dute parte lanegunean, ideiak partekatu eta hausnarketa sustatzeko.

Adikzioen prebentzioari buruzko laneguna egingo dute bihar Laudion
Mota horretako hainbat jardunaldi egin dituzte lehenago ere. / IREFREA | Ikusi handiago | Argazki originala

Laneguna egingo dute ostiralean -martxoak 15- Laudioko Kultura etxean, 9:00etatik 13:30era. Prebenfamilia egitasmoa osatzen duten erakundeek eta udaleko adikzioen prebentziorako zerbitzuaren artean prestatu dute saioa. EAEko prebentzio talde ugarik hartuko dute parte jardunaldian, hainbat familia elkarteetako ordezkariekin batera (Denon Eskola eta FAPACNE). Ezagutza eta praktika onak elkarbanatzea izango da ekimenaren xedea.

Hainbat jarduera egingo dituzte goizean zehar. Mahai-inguru bat egongo da lehenbizi, zeinetan hainbat eragileetako ordezkarik hartuko duten parte: Prebenfamiliako Gotzon Minguezek, Planet Youtheko Patricia Rosek, IREFREAko Montse Juanek eta Errioxako Unibertsitateko Ana Maria Ponce de Leon eta Rosa Ana Alonsok. Taldeak osatuko dituzte gero, hausnarketa sustatu eta ideiak partekatzeko.

Ostiralekoa ez da izango Laudion egiten duten mota horretako lehen ekimena. Hemen ikusi daiteke 2017an egin zuten jardunaldia:

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa