URA agentziak ohartarazi du uholdeek kaltetu ditzaketen lursailetan egongo direla Suhiltzaileen eta Ertzaintzaren azpiegitura berriak

Aitor Aspuru Saez 2019ko martxoaren 25a
Deskargatu Info Ahotsak :

Duela zenbait aste aurkeztu zituzten Suhiltzaileen eta Ertzaintzaren azpiegitura berrien nondik norakoak. / Aiaraldea.eus

Hedabideek jakinarazi dute URA agentziak nabarmendu duela uholdeek eragina izan dezaketela Suhiltzaileen eta Ertzaintzaren eraikin berrietan. Hala ere, azken hitza beste erakundeen esku dago.

URA agentziak txostena osatu du Laudion egin nahi dituzten Suhiltzaileen eta Ertzaintzaren azpiegiturei buruz. Izan ere, erakundearen ustez, uholdeak egonez gero, instalazioek kalteak izango lituzkete eta berebiziko zerbitzuak eman behar dituzte horrelako kasuetan.

Hala ere, hedabideek argitu dutenez, lursaila ez dago lehentasunezko jarioaren gunean, hortaz, URAren iritzia ez da beharrezkoa obrek aurrera egin dezaten.

Zentzu horretan, Jon Ander Altube Laudioko alkateordeak azaldu du proiektuaren bultzatzailea Arabako Foru Aldundia dela eta laster bilera egingo dutela euren ordezkariekin. Bitartean, tokiko erakundeko teknikariak egoera aztertzen ari dira.

Edonola ere, Jon Ander Altubek ziurtatu du "zuhurtziaz eta arduraz" jokatuko dutela.

Jendartea Laudio
Erlazionatuak
Aurten hasiko dira Ertzain-etxeko eta Suhiltzaile Parkeko obrak
Aurten hasiko dira Ertzain-etxeko eta Suhiltzaile Parkeko obrak

Txabi Alvarado Bañares 2019 mar 04 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide