aiaraldea.eus

URA agentziak ohartarazi du uholdeek kaltetu ditzaketen lursailetan egongo direla Suhiltzaileen eta Ertzaintzaren azpiegitura berriak

Erabiltzailearen aurpegia Aitor Aspuru Saez   Jendartea  Laudio

Hedabideek jakinarazi dute URA agentziak nabarmendu duela uholdeek eragina izan dezaketela Suhiltzaileen eta Ertzaintzaren eraikin berrietan. Hala ere, azken hitza beste erakundeen esku dago.

URA agentziak ohartarazi du uholdeek kaltetu ditzaketen lursailetan egongo direla Suhiltzaileen eta Ertzaintzaren azpiegitura berriak
Duela zenbait aste aurkeztu zituzten Suhiltzaileen eta Ertzaintzaren azpiegitura berrien nondik norakoak. / Aiaraldea.eus | Ikusi handiago | Argazki originala

URA agentziak txostena osatu du Laudion egin nahi dituzten Suhiltzaileen eta Ertzaintzaren azpiegiturei buruz. Izan ere, erakundearen ustez, uholdeak egonez gero, instalazioek kalteak izango lituzkete eta berebiziko zerbitzuak eman behar dituzte horrelako kasuetan.

Hala ere, hedabideek argitu dutenez, lursaila ez dago lehentasunezko jarioaren gunean, hortaz, URAren iritzia ez da beharrezkoa obrek aurrera egin dezaten.

Zentzu horretan, Jon Ander Altube Laudioko alkateordeak azaldu du proiektuaren bultzatzailea Arabako Foru Aldundia dela eta laster bilera egingo dutela euren ordezkariekin. Bitartean, tokiko erakundeko teknikariak egoera aztertzen ari dira.

Edonola ere, Jon Ander Altubek ziurtatu du "zuhurtziaz eta arduraz" jokatuko dutela.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa