Jon Ander Altube Laudioko alkateordeak gaur azaldu du astelehenean Julian Padierna Renfeko EAEko gerentearekin bildu zirela. Enpresa publikoaren arduradunak iragarri zien 2019ko bigarren seihilekoan esleituko dituztela herriguneko tren geltokiko obrak.
Lan horiek eragina izango dute, bereziki, irisgarritasunean. Alde batetik, igogailua instalatuko dute geltokira sartzeko. Bestetik, makinak dauden eremua ere egokituko dute eta, azkenik, nasetan bi ardatz izango dituzte: altuera igotzea unitate berrietara moldatzeko eta babeslekuak eraikitzea.
Bestalde, Aretako geltokian premiazko lanak abiatu zituzten duela zenbait hilabete. Izan ere, 2016an emakume gazte bat hil zen, trenak harrapatu ostean. Horrelakorik ez errepikatzeko, tunela eraiki dute bertan eta erabiltzeko aukera dago jadanik. Gainera, igogailuak jarri eta nasen altuera igo dute, besteak beste.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide