aiaraldea.eus

Hilero bilera irekiak antolatuko ditu Laudioko Mugimendu Feministak

Erabiltzailearen aurpegia Izar Mendiguren Cosgaya   Jendartea  Laudio

Emakumeentzat bilera irekiak egingo ditu hilero Laudion Mugimendu Feministak. Igandean izango da aurreneko zita, 17:00etan Basalarrinan.

Hilero bilera irekiak antolatuko ditu Laudioko Mugimendu Feministak
Martxoaren 8ko greba feministaren Laudioko irudi bat. / Aiaraldea.eus | Ikusi handiago | Argazki originala

Martxoaren 8ko grebaren ondotik, hilero biltzea erabaki du Laudioko Mugimendu Feministak.  Emakume* eta eragile feministei luzatu diete bertaratzeko gonbita, bakoitzaren proposamenak partekatzeko espazioa sortze aldera. Hala, taldeek feminismoari lotutako ekintzak aurkezteko aukera izango dute, eta norbanakoek, berriz, euren ekarpenak egitekoa. 

Igande honetan izango da aurreneko zita, maiatzaren 5ean. Hitzordua 17:00etan jarri dute Basalarrinan, Abasto plazan. Bertan aurkeztuko da, besteak beste, Aiaraldeko Mugimendu Feministaren aurrera begirako asmoa.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa