Hilero bilera irekiak antolatuko ditu Laudioko Mugimendu Feministak

Izar Mendiguren Cosgaya 2019ko apirilaren 30a
Deskargatu Info Ahotsak :

Martxoaren 8ko greba feministaren Laudioko irudi bat. / Aiaraldea.eus

Emakumeentzat bilera irekiak egingo ditu hilero Laudion Mugimendu Feministak. Igandean izango da aurreneko zita, 17:00etan Basalarrinan.

Martxoaren 8ko grebaren ondotik, hilero biltzea erabaki du Laudioko Mugimendu Feministak.  Emakume* eta eragile feministei luzatu diete bertaratzeko gonbita, bakoitzaren proposamenak partekatzeko espazioa sortze aldera. Hala, taldeek feminismoari lotutako ekintzak aurkezteko aukera izango dute, eta norbanakoek, berriz, euren ekarpenak egitekoa. 

Igande honetan izango da aurreneko zita, maiatzaren 5ean. Hitzordua 17:00etan jarri dute Basalarrinan, Abasto plazan. Bertan aurkeztuko da, besteak beste, Aiaraldeko Mugimendu Feministaren aurrera begirako asmoa.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide