Irantzu Lekue: "Emakumeen ahizpatasuna eta indarra irudikatu ditugu muralean"

Atzo aurkeztu zuten Irantzu Lekue artistak prozesu parte hartzaile bidez ekoitzitako murala. Feminismoari eta orotariko emakumeei eman diote indarra.

Atzo izan zen muralaren aurkezpen ekitaldia Laudion. "Emakumeen aniztasuna eta elkartasuna islatu ditugu", adierazi dio Aiaraldea hedabideari sortzaileak. Amets Meatza  alkateordeak hasi zuen ekitaldia, proiektuaren nondik norakoak gogora ekarriz: "Indarkeria matxista salatu nahi izan dugu". Berdintasun zerbitzuak sustatu du ekintza, horma irudi parte hartzailea. Gogoetarako saioen bidez erabaki dute zer irudikatu paretan, Irantzu Lekuek azaldu duenez: "Sororitatea, sahara, Amagoia Elezkano indarkeria matxistak eraildako herritarra, emakumeen borroka... atera ziren ideia gisa". 

Amets Meatzak azpimarratu zuen feminismoaren ikurraren barnean loreak egotea, Amagoia Elezkanori egindako omenaldiaren keinua dela, "indarkeria matxista jasten duten emakume guztiena. Aniztasuna, inklusioa, indarra, belaunaldien arteko harremanak eta sororitatea, kale ekintza artistiko eta aldarrikatzailea honen parte dira jada".

Irantzu Lekuek margolanaren nondik norakoak aipatu zituen: "Gurpildun aulkian amona bat jarri dugu, gorputz eta izaera ezberdinetako emakumeak irudikatu ditugu, eskuen arteko emakume korrikalariak indarra adierazten du... Eta koloreen bidez, sexu eta genero aniztasuna islatu dugu". Nola Laudioko Udalak hala artistak, ekimenera batutako herritarren parte hartzea eskertu zuten.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide