aiaraldea.eus

[IRITZIA] Plazak eta frontoiak gureak dira!

Erabiltzailearen aurpegia Maria Sanchez Madoz   Iritzia  Laudio  Laudio: Areta
[IRITZIA] Plazak eta frontoiak gureak dira!
Argazkia: Jose Asensio Larrinaga (Copyright) | Ikusi handiago | Argazki originala

Feminismoak gorakada bat izan duela ezin da ukatu, baina olatu horren barruan ito egin dira pertsona, talde, eragile edo elkarte batzuk, olatu honetara batu beharrean. Honen adibide argia dira etengabe ematen ari diren emakume kirolarien zapalkuntzak eta bereizketak; edota hauei ahotsa eman eta salaketak publikoak egiteko, gaur egun, existitzen eta lanean jarraitu behar duten taldeak.

Kirol munduan, emakumeok gauzak birritan demostratu behar ditugu: gure motxila bikoitza da, pisu handiagoa du. Kirolari onak garela erakusteaz gain, emakume izateagatik hori egiteko gai garela ere demostratu beharra daukagu, hau da, bertan egoteko kapaz garela. Baina hori ez da nahikoa izaten, eta askotan eskaintzen zaizkigun aukerak ez dira berdinak izaten, bigarren plano batean geratzen gara, azken ordutegiak ditugu, entrenatzeko aukera ezberdinak edo aukera ezak, sariak ezberdinak eta txikiagoak dira, jarrera matxistak…

Pilotaren mundua, jatorriz, gizonen mundua izan da edo hori da saldu egin digutena, baina gauzak aldatzen doaz eta geroz eta emakume gehiagok egiten dute pilotari gisa jarraitzeko edota pilota munduan garatzeko apustua. Hala ere, ez da erabaki erraza, batzuk albo batera egiteko prest ez baitaude, hau bermatzeko, azken egunetan Azkoitian gertatutakoa besterik ez da ikusi behar edo Gentzane Aldai orozkoarraren kasua.

Baina ez gaude hau onartzeko prest, gurea dena hartu eta berreskuratu behar dugu. Plazak hartzen hasi ginen eta azken aldian frontoiak hartzen aritu gara, nahiz eta zenbaiten gustukoa ez izan. Argi izan ezazue ez dugu kirolean aritzeko baimenik behar, eta ez dugu eskatuko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa