Kultur sorkuntza Aiaraldean

Okherren lehen diskoa, labetik atera berri

Okher rap abeslaria, diskoa eskuan duela.

11 kanta ditu lanak: musikari laudioarraren bideoklipetan plazaratutako 6 abestiak eta beste bost abesti berri.

Kalean dago jada Okher rap abeslariaren lehen diskoa. 11 abestiz osatuta dago lana. Horietako 6 jada argitaratuta daude, artista laudioarrak azken urtean plazaratu dituen bideoklipen bidez. Beste bost abestiak, aldiz, guztiz berriak dira. Aiaraldeko, Murtziako edota Indonesiako musikarien laguntzarekin grabatu du Okherrek diskoa. “Ia bi urtetan zehar landuriko prozesua izan da”, azaldu du abeslariak. “Gogorra” izan dela nabarmendu du: “musika ekoizpenean zerotik hasi nintzen. Nire Kabuz ikasi dut produzitzen, pazientzia askorekin eta profesionalen aholkuez baliatuz batzuetan”.

Hainbat tokitan eskuratu daiteke Cda formatu fisikoan: Laudioko Sorgin eta Keska tabernetan eta Bilboko Brasa Kanalla jatetxean eta Tattoo Adicts tatuaje dendan. Internet bidez ere eskuratu ahalko da, Okherrekin zuzenean kontaktuan jarrita. “Garrantzitsua da erosle bakoitzak albumarekin argazki bat egin eta niri bidaltzea. Izan ere, nire asmoa da lehen 500 kopiak salduta daudenean argazki guztiekin eskerrak emateko bideo bat sareratzea”.

Kontzertuak eta dokumentala
Disko argitaratuta, kontzertuak ematen hasiko da Aiaraldeko musikaria. “4 musikarirekin nago zuzenekoak prestatzen”. Horrez gain, dokumental bat ere prestatzen ari da, egitasmo guztia ikus-entzunezkoak baliatuta hobeto azaldu ahal izateko.

Erlazionatuak

“Musika bihotzez egin behar da, eta ez poltsikoan pentsatzen”

Laudio

Duela urtebete hasi zuen bere ibilbidea Okher rap abeslari laudioarrak. Ordutik hona hainbat abesti plazaratu ditu, eta zuzenekoak eskaintzen hasik...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide