"Belchite de película" jaialdiak aurten ere saritu du Javier Gil laudioarrak zuzendu duen film labur bat. Zehazki, iaz bezala, Santi Ric antzezle nagusiaren lana aitortu dute.
Berez, 24 orduko epea daukate lehiaketan parte-hartzaileek filmak egiteko. Javier Gilen taldeak -laudioar gehiagorekin osatuta- bi gidoi eraman zituen prestaturik eta biak grabatu zituzten. Beste filmaren izenburua "Otra vez no" zen:
Zuzendariak Aiaraldea hedabideari azaldu dionez, oso pozik dago emaitzarekin: "Izan ere, jaialdian egondako maila handia izan da eta ez zuten espero saririk ekartzea".
Horrez gain, urte oparoa izan da iazko "Desencuentros" filmari esker, zinema ikastaroa irabazi baitute "Un perro andaluz" eskolan, Zaragozan. Halaber, zenbait lehiaketa ofizialetan sartu dira pelikula horrekin.
Bestalde, "Viaje a la fábrica de los sueños" lanarekin Festival Participa Melies-en aipamen berezia lortu zuten. Lehiaketa horretan George Melies zinemako aitzindarietako batek erabiltzen zituen teknikak baliatu beharra zegoen.
Azkenik, Lanuzako merkatuan -Zaragozan- egindako egitasmoan eta Almuniako Nazioarteko Txapelketan "Manzanas traigo" gidoiarekin bigarren sariak eskuratu zituzten.
