Laudioko hiltegiaren jarduera bihar eten beharko dute URAren aginduz

Laudioko hiltegia. / Aiaraldea.eus

Laudioko Udalak atzo jaso zuen URA Agentziaren jakinarazpena eta ezingo du ezer isuri ibaian, kolektorea erabilita. Gainera, Ertzaintzak ingurumenaren aurkako delituei lotutako ikerketa abiatu du.

Laudioko Udalak gaur iragarri du bihartik aurrera bertan behera geratuko dela hiltegiaren jarduera. Izan ere, URA Agentziak debekatu dio tokiko erakundeari edozein isurketa egitea Nerbioi ibaian dagokion kolektorearen bitartez.

Horrez ondorioz, hiltegiak ezingo du funtzionatu eta tokiko erakundeak itxiko du. Udalak azaldu du bere talde tekniko eta juridikoa duela lanean egoerari aurre egiteko.

Udal Gobernu Taldeak espero du URAk iritzia aldatzea. Horretarako proiektua garatu dute; koagulazio sistema ezarri nahi dute hiltegian ibaian odolik ez isurtzeko, hain zuzen.

Bestalde, Ertzaintzak ere eskatu dio udalari informazio osoa hiltegiari buruz, ikerketa hasi baitute ingurumenaren aurkako delituekin harremana dagoen jakiteko.

Azpiegitura horren garrantzia handia da eskualdean, hiltegi oso gutxi baitaude Euskal Herrian eta Aiaraldetik urrun daude gehienak.

Erlazionatuak

Koagulazio sistema jarri nahi dute Laudioko hiltegian odol isurketak ekiditeko

Laudio

Ander Añibarro alkateak iragarri du gaur 140.000 euroko kreditu espediente aldaketa proposatuko dutela hurrengo udalbatzan horretarako.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide