Aiaraldearren errezetak

[ERREZETAK] Ana Mariren odolosteak

Erredakzioa 2019ko abuztuaren 19a
Deskargatu Info Ahotsak :

Ana mari harategian urteak daramatzate odolosteak egiten. / Aiaraldea.eus

Ana mari harategian urteak daramatzate odolosteak egiten. Prozeduraren nondik norakoak azaldu dituzte.

OSAGAIAK

  • Odol litro bat
  • Arroz kilo 1
  • Gantza
  • Porru kilo erdi
  • Tipula kilo erdi
  • Pipermina
  • Gatza
  • Tripak

PRESTAKETA

1) Arroza bezperan egosi, gatzarekin. Behin egosita mahai batean zabalduta utzi.

2) Tipula eta porrua ere bezperan sueztitu.

3) Hurrengo egunean dena nahastu, masa bat sortu arte: arroza, tipula, porrua eta odola. Gantza gehitu, zati txikietan.

4) Gatza eta pipermina gehitu.

5) Tripei gatza kendu eta buelta eman. Masa tripen barruan sartu eta bi muturrak korden edo grapen bidez itxi.

6) Ura sutan jarri, erdiko tenperaturan. Irakiten hasten denean odolosteak sartu. Berriro irakiten hastera doanean odolosteak atera. Oharra: Prozesu horrek 40-50 minutu irauten ditu. Garrantzitsua da ura apurka-apurka berotzea, bat-batean berotzen bada odolosteak egin gabe geratu daitezkeelako.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide