Oinatz Manterola Aiaramendi taldeko korrikalariak 4. postua eskuratu zuen Cangas de Oniseko (Asturies) Mini XTrem Lagos de Covadonga lasterketan. Probak 15 kilometroko ibilbidea zuen eta 2.000 metroko desnibela guztira, hau da, bide malkartsuak zeharkatu behar ziren. 170 lagunek parte hartu zuten.
Laudioko lasterkariak ondo pasatzeko asmoarekin eman zuen izena, eta probaren zenbait ezaugarri goraipatu ditu: "Ibilbidea eta antolaketa bikainak izan ziren eta paisaiak ikaragarriak".
Manterolak ez zuen aurreikusi lehen sailkatuen artean egoteko lehiatzea baina, azkenean, 4. postua lortu zuen Sub-23 kategorian, 2 orduko marka egin eta gero.
Berez, muga zeharkatu zuenean 12:30ak aldera, antolakuntzak aipatu zion 3. izan zela. Horren ondorioz, sari banaketan parte hartzeko egonaldia luzatu zuen. Hala ere, azken unean jakinarazi zioten sailkapena osatu ondoren, 4. izan zela. Edonola ere, Oinatz Manterolak adierazi du oso gustura ibili zela.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
