Trenbide gaineko metalezko zubia urriaren 22an kenduko dute

Aitor Aspuru Saez 2019ko irailaren 27a
Deskargatu Info Ahotsak :

Behin betiko kenduko dute zubia urrian. / Mikel Ayllon

Laudioko Udalak jakinarazi duenez, gauez eraitsiko dute, trafikoa ez eteteko.

Urriaren 22an ekingo diote Latiorro auzoa eta herrigunea lotzen duen metalezko zubia kentzeari. Ander Añibarro alkateak azaldu du berehala hasiko direla zenbait prestaketa lan egiten, trenbideko kateak babesteko, besteak beste. Gauez izango da eraisketa, trenen trafikoa ez eteteko.

Finean, urrian garabi batek zubia bere lekutik mugituko du, eta txatarra bilakatuko dute, gero saldu ahal izateko.

Latiorro eta Laudioko herrigunea lotzen duten bi tunel daudenez jadanik. Aurreko Udal Gobernu Taldeak abiatu zuen ekimena metalezko zubia eraisteko. Izan ere, ez ditu irisgarritasun arauak betetzen. Hasierako asmoa zen apirilean egikaritzea, martxoan esleitu baitzituzten lanak 77.000 euroren truke. Hala ere, prozedura atzeratu da.

Jendartea Laudio
Erlazionatuak
Latiorroko zubia datorren urteko lehen hilabeteetan kentzea aurreikusi du udalak
Latiorroko zubia datorren urteko lehen hilabeteetan kentzea aurreikusi du udalak

Erredakzioa 2016 aza 18 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide