aiaraldea.eus

Julian Martinez Villar musikari laudioarra omenduko dute Antonio Oyarzabal pianistak eta Ariadna Martinez sopranoak

Erabiltzailearen aurpegia Erredakzioa   Kultura  Laudio

Antonio Oyarzabalek eta Ariadna Martinezek jakinarazi dute diskoa grabatu dutela Julian Martinez Villarren omenez.

Julian Martinez Villar musikari laudioarra omenduko dute Antonio Oyarzabal pianistak eta Ariadna Martinez sopranoak
Julian Martinez Villarren irudia. / Wikipedia | Ikusi handiago | Argazki originala

Julian Martinez Villar 1870ean jaio zen Laudion eta musikari moduan ibilbide oso luzea egin zuen. Alde batetik, irakaslea eta zuzendaria izan zen, baina, horrez gain, pianista eta konpositorea ere bazen.

Musikaren bideak Bilbora eraman zuen ikasle eta geroago irakasle gisa izateko. Musikagile lanetan, besteak beste, Boga, boga, marinela abestiaren konponketak egin eta argitaratu zituen, eta 1905ean Ciudad de Mexico hiriko antzokiko zuzendari hautatu zuten.

Mexikon hainbat ardura izan zituen, eta 1914an Estatu Batuetara jo zuen, Laredora -Texas-, hain zuzen. Herrialde horretan ere zuzendari gisa lan egin zuen, harik eta hil zen arte, 1944an.

Omenaldia
Ibilbide hori dela medio, Antonio Oyarzabal pianistak eta Ariadna Martinez sopranoak, biak laudioarrak, diskoa sortu dute herriko musikaria omentzeko.

Azaroaren 16an 19:00etan aurkeztuko dute lana Laudioko Kasinoan eta herritar oro gonbidatu dute. Bide batez, Egoitz Bernaolak Martinez Villarren lorpenak berreskuratu eta oroitzeko eginiko lana aitortu dute musikariek.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa