aiaraldea.eus

"Lagunarteko kontzertua" eskaini du Ibil Bedik Faktorian

Erabiltzailearen aurpegia Txabi Alvarado Bañares   Kultura  Laudio
"Lagunarteko kontzertua" eskaini du Ibil Bedik Faktorian

"Kontzertua ta afari dio, Faktoria da amodio. Bidea hasi da, ta Ibil Bedi. Ongi etorri Laudio". Bertso hori kantatuaz hasi zuen Ibil Bedi taldeak atzo Faktorian eskainitako kontzertua.

Ez zen jende asko bertaratu atzoko emanaldira. Hala ere, hasiera batean handicap bat zirudien faktore horri buelta ematea lortu zuen Iruñerriko taldeak, oso gertuko kontzertua eskainiaz, “lagunartekoa”.

Euren diskoko abestiak jotzeaz gain, hiru bertsio jo zituzten: Negu Gorriakena lehena, Itoizena bigarrena eta kideetako batzuk lehen zeukaten beste talde batena hirugarrena. Horrez gain, abesti berri bat ere estreinatu zuten Ibil Bedikoek faktorian, hasieran abestutako bertso berdinarekin emanaldiari amaiera eman baino lehen.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa