Kultur sorkuntza Aiaraldean

Xabi Solanoren hurrengo diskoaren grabaketan parte hartu du Goiatz Duttok eta Villa de Bilbao lehiaketan saritu dute

Goiatz Dutto bateria jotzen Deimocrazy taldearekin. / Hughes Vanhouecke

Goiatz Dutto musikari laudioarrak aste honetan abestu du Xabi Solanoren disko berrian agertzeko. Gainera, bateria-jotzaile onenaren saria eskuratu du Villa de Bilbao lehiaketan.

Goiatz Duttok Hernanira jo zuen astelehenean Xabi Solano -Esne Beltza- trikitilari eta abeslariaren disko berriaren grabaketan parte hartzeko. Zenbait abestitan ahotsa jarri zuen.

Elkarlana kasualitatez suertatu da. Izan ere, duela gutxi Moonshine Wagon taldeko kide batek Solanorekin grabatu zuen eta disko bat eman zion. Entzun ondoren, Solanok eskatu zion Goiatz Duttori laguntzeko lantzen ari den diskoan eta laudioarrak pozik onartu zuen proposamena.

Deimocrazyrekin banakako saria
Horrez gain, Goiatz Dutto aurtengo Villa de Bilbao lehiaketan aitortu dute. Berez, bateria-jotzaile onenaren kategorian saritu dute.

Ostiralean banatu zituzten sariak eta ezin izan zuen jaso pertsonalki, kontzertu batean jotzen ari baitzen. Aitorpenarekin batera, mikrofono bat oparitu diote. Horrez gain, taldeak 2020ko Aste Nagusian joko du.

Erlazionatuak

Goiatz Duttok 22 kontzertu emango ditu Brasilen Moonshine Wagon taldearekin

Laudio

Goiatz Dutto musikari laudioarrak jotzen du Moonshine Wagon taldean eta iragarri berri dute Brasilen 22 emanaldi eskainiko dituztela.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide