aiaraldea.eus

Udaletxeko balkoietako batean zintzilikatutako estelada kentzeko eskatu dio Espainiako Gobernuko ordezkaritzak udalari

Erabiltzailearen aurpegia Erredakzioa   Politika  Laudio

EH Bilduko taldearen bulegotik eskegita dago ikurra. Udal gobernuak nabarmendu du ez dela udalaren erabakia izan, "Espainiar Gobernuaren inposizioa" baizik.

Udaletxeko balkoietako batean zintzilikatutako estelada kentzeko eskatu dio Espainiako Gobernuko ordezkaritzak udalari
Udaletxeko balkoitik eskegita dago estelada. / EH Bildu | Ikusi handiago | Argazki originala

Laudioko Udaletxean EH Bilduk duen bulegotik eskegita dagoen estelada kentzea eskatu dio Espainiako Gobernuaren ordezkaritzak udalari.

Jose De la Fuente Martin gobernuaren ordezkariordearen ustez, bandera hori jarrita izateak administrazio publikoen “neutraltasun eta objektibotasun printzipioak” urratzen ditu. Horrez gain, gaineratu du ez dela Espainiako banderaren araudia errespetatzen.

Era berean, ordezkariordeak ohartarazi du eskatutakoa betetzen ez bada epaitegira joko duela.

 

Talde politikoak sare sozialen bidez salatu du gertatutakoa:

Laudioko Udalak jakinarazi du atzo jaso zutela Espainiako Gobernuaren ordezkaritzaren gutuna, eta EH Bilduko kideei helarazi ziotela. Nabarmendu dutenez, udalak ez du zerikusirik izan erabakiarekin, "Espainiako Gobernuaren inposizioa izan da".

Hau ez da udaletxean dagoen lehen tira-bira ikurrei lotuta. Aurreko legealdian Gasteizko epaitegiak 1.500 euroko isuna jarri zion Natxo Urkixori, Guardia Zibilaren txosten batean oinarrituta.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa