Udaletxeko balkoietako batean zintzilikatutako estelada kentzeko eskatu dio Espainiako Gobernuko ordezkaritzak udalari

Erredakzioa 2019ko urr. 24a, 12:59
Udaletxeko balkoitik eskegita dago estelada. / EH Bildu

EH Bilduko taldearen bulegotik eskegita dago ikurra. Udal gobernuak nabarmendu du ez dela udalaren erabakia izan, "Espainiar Gobernuaren inposizioa" baizik.

Laudioko Udaletxean EH Bilduk duen bulegotik eskegita dagoen estelada kentzea eskatu dio Espainiako Gobernuaren ordezkaritzak udalari.

Jose De la Fuente Martin gobernuaren ordezkariordearen ustez, bandera hori jarrita izateak administrazio publikoen “neutraltasun eta objektibotasun printzipioak” urratzen ditu. Horrez gain, gaineratu du ez dela Espainiako banderaren araudia errespetatzen.

Era berean, ordezkariordeak ohartarazi du eskatutakoa betetzen ez bada epaitegira joko duela.

 

Talde politikoak sare sozialen bidez salatu du gertatutakoa:

Laudioko Udalak jakinarazi du atzo jaso zutela Espainiako Gobernuaren ordezkaritzaren gutuna, eta EH Bilduko kideei helarazi ziotela. Nabarmendu dutenez, udalak ez du zerikusirik izan erabakiarekin, "Espainiako Gobernuaren inposizioa izan da".

Hau ez da udaletxean dagoen lehen tira-bira ikurrei lotuta. Aurreko legealdian Gasteizko epaitegiak 1.500 euroko isuna jarri zion Natxo Urkixori, Guardia Zibilaren txosten batean oinarrituta.

Politika Laudio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide