Gaur eguerdian kendu dute udaltzainek Laudioko Udaletxeko fatxadan ikusgai zegoen ikur kataluniarra. Zehazki, alkateak sinatutako dekretua bete dute poliziek, eta EH Bilduko udal taldeko leihotik erretiratu dute.
Ander Añibarro alkateak argitu duenez, pertsonalki, berak bat egiten du EH Bilduren aldarrikapenarekin. Ordea, azaldu du tokiko erakundearen ordezkari gisa, bere ardura dela isun ekonomikoak ekiditea.
Horregatik, gaur goizean dekretua sinatu du ikurra ahalik eta lasterren kentzeko fatxadatik. Erabakia EH Bilduko zinegotziei jakinarazi die, baina koalizio independentistako kideek adierazi dute ez dutela asmorik "estelada" erretiratzeko. Hori dela eta, eguerdian udaltzainek bete dute alkatearen agindua.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
