Igogailuen araudia aldatzeko batzordea sortuko du udalak

Aitor Aspuru Saez 2019ko urriaren 30a
Deskargatu Info Ahotsak :

Igogailuen araudia aldatzea eta zein kasutan egitea aztertuko dute.

Larrialdi zerbitzuetako profesionalekin eta herriko kaltetuekin osatuko du batzordea Udalak.

Laudioko Udal Osoko Bilkuran landu zuten astelehenean igogailuen araudiari buruzko mozioa; eta, horren ondorioz, batzordea sortuko dute tokiko erakundean.

Esparru horretan larrialdi zerbitzuetako langileek eta herritar kaltetuek hartuko dute parte. Ander Larrinaga alkateordeak azpimarratu duenez, "Laudioko Udaleko araudiak bat egiten du Eusko Jaurlaritzak duenarekin".

Hala ere, atzo prentsaurrekoan Joseba Amondok gehitu zuen kasu batzuetan eraikitzen diren igogailuak ez direla guztiz irisgarriak. Hori dela medio, banan-banan ikertuko dituzte kasuak. Zehazki, eskaileraren zabalpena 90 zentimetrotik 80 zentimetrora mugatzea aztertuko dute.

Jendartea Laudio
Erlazionatuak
Elkartea sortu dute Laudion, udalak igogailuen arautegia aldatu dezan
Elkartea sortu dute Laudion, udalak igogailuen arautegia aldatu dezan

Aitor Aspuru Saez 2019 urr 15 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide