aiaraldea.eus

EH Bilduk "planifikazio falta" leporatu dio Laudioko Udalari, Lamuzako parkeko obrak direla eta

Erabiltzailearen aurpegia Julen Solaun   Politika  Laudio

Parkeko erabiltzaileekin obren eta konponbideen inguruan hitz egiteko "hilabeteak" egon direla kritikatu du Nagore Gomara zinegotziak.

EH Bilduk "planifikazio falta" leporatu dio Laudioko Udalari, Lamuzako parkeko obrak direla eta
Kultur Etxea konpontzen ari da Arabako Foru Aldundia. / Aiaraldea.eus | Ikusi handiago | Argazki originala

EH Bilduk kritikatu du EAJk eta PSE-EEk osatutako udal gobernua Lamuza parkeko obren “planifikazio eza” dela eta. Obrak hasi eta aurreko egunetan parkean ekintzak egiten zituzten hainbat talde “abisatu barik” bota dituztela salatu du oposizioko taldeak.

Gainera, EH Bilduk nabarmendu du udalak ez diela talde horiei alternatibarik eman “jarduna normalitatez jarraitzeko”.

Taldeko zinegotzi batek, Nagore Gomarak, honakoa salatu du: "hilabeteak igaro direla obra egingo zela jakinarazi zenetik eta erabiltzaileekin “obren inguruan hitz egiteko” behar adina denbora egon dela.

Era berean, zinegotziak udal gobernuari leporatu dio arduratuago egotea “liburutegiaren leku aldatzeaz eta beste hainbat propagandaz benetako irtenbideak eta konponbideak bilatzeaz baino”.

Ludotekaren ixtea “inolako konponbiderik gabe” gauzatu izana eta gaztetxearen balizko itxiera era leporatu dio talde abertzaleak gobernuari.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa