Kultur sorkuntza Aiaraldean

Yogurinha Borovak antzezlana eta Pirritx, Porrotx eta Marimototsekin egingo dituen elkarlanak aurkeztu ditu Durangon

Aitor Aspuru Saez 2019ko abe. 8a, 11:10
Deskargatu Info Ahotsak :

Yogurinha Borova eta Porrotx atzo Durangoko Azokan. / @eidabe

Durangoko Euskal Liburu eta Azokan aurkeztu ditu Yogurinha Borova artista laudioarrak hiru ekimen ezberdin: bideoklipa, antzezlana eta Pirritx, Porrotx eta Marimotosekin egingo duen elkarlana. Urtarrilaren 4an aurkeztuko du Bilbon umeentzako antzerki pieza.

Durangoko Azokan egon zen atzo Yogurinha Borova eta laguntzaile bikaina izan zuen bere egitasmo berriak aurkezteko, Porrotx, alegia. Pailazoaren laguntzarekin, Borovak azaldu duen bere bideoklip berria "Sentipenak askatu" Pirritx, Porrotx eta Marimototsen zenbait ikuskizunetan egongo dela. Izan ere, laudioarrak abestuko du kanta hori Gasteizen, Bilbon, Iruñean eta Donostian.

Aiaraldearraren abestiak azaltzen du umeen artean ere maitasun sentimenduak oso anitzak direla eta pailazoek mezu hori txertatu nahi izan dute euren emanaldi nagusietan.

Antzezlana
2020an proiektu gehiago izango ditu Yogurinha Borovak. Izan ere, antzerkian murgilduko da artista buru-belarri "Meri, Mari eta Lari" lanarekin. Abestiz eta ipuinez osatutako ikuskizuna izango da,  eta Maria Urcelay eta Galder Perezekin sortu du aniztasuna jorratzeko.

Lehenengo emanaldia Bilboko Azkuna Zentroan izango da urtarrilaren 4an 19:30ean:

Kultura Laudio
Erlazionatuak
“Sentipenak askatu” diskoa aurkeztuko du Yogurinha Borovak Durangoko Azokan
“Sentipenak askatu” diskoa aurkeztuko du Yogurinha Borovak Durangoko Azokan

Txabi Alvarado Bañares 2019 abe 05 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide