Laudioko Herri Krosa XIII. ediziora helduko da 2020ko urtarrilaren 12an eta horretarako izen ematea ireki dute jadanik hemen. Parte hartzaileek urtarrilaren 10era arte izango dute aukera inskripzioa egiteko 7 euroren truke. Egunean bertan, ordea, 15 eurokoa izango da prezioa.
350 lasterkari besterik ez dituzte onartuko eta abenduaren 26an Laudio Atletismo Klubak jakinarazi zuen 200 plaza geratzen direla.
Krosak 8 kilometroko ibilbidea izango du eta 11:00etan abiatuko da Aldai plazatik, Herriko enparantzan amaitzeko. Ordubete eta 15 minutuko muga izango dute kirolariek helburua betetzeko. Dutxak kiroldegian egongo dira eta 12:00etan hasiko dira umeen probak.
Zehazki, 6 urte bitarteko gazteek 300 metroko lasterketa egingo dute, 7 eta 10 urte bitartekoek 750 metrokoa eta 11 eta 15 urte bitartekoek 1.500 metrokoa.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
.JPG)
_tokikom_735x413.JPG)