Ehunka lagun bildu dira plazan atzoko lan heriotza salatzeko

Izar Mendiguren Cosgaya 2020ko ots. 4a, 20:03
Deskargatu Info Ahotsak :

19:00etan mobilizazioa egin dute Herriko plazan. Ehunka lagunek egin dute bat "prekarietatea hiltzailea" lelodun elkarretaratzearekin.

40 urteko laudioar bat hil zen atzo Galdakaon, lan istripuan. Urtea hasi zenetik 11 euskal herritar zendu dira lanean.

Elkarretaratzearen bidez elkartasuna eta babesa adierazi nahi izan diete herritarrek lan heriotza jasan duen gaztearen senide eta lagunei. Galdakaoko GHI Hornos Industriales enpresan jazo zen ezbeharra. atzo. Mobilizazioaren amaieran, Santurtziko ontziolan gaur arratsaldean jaoztako lan heriotza izan dute gogoan, "Euskal Herrian hildako 11. langilea". Hala, prekarietatea gelditzeko modu bakarra kalean mobilizatzea dela azpimarratu dute. 

Eragile ugarik egin dute bat ekimenarekin. Laudioko udaleko talde politiko guztiek adierazpen bateratua plazaratu dute, esaterako, gaur goizean. 

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide