Koronabirus kasu positibo bat egon da Laudioko Guardian enpresan. Bulegoko langile batek astelehenean bertan adierazi zuen ez zela ondo sentitzen eta zuzendaritzak erabaki zuen etxera bidaltzea.
Atzo 15:30ak aldera berretsi zuten Covid19 birusa duela beharginak. Hala ere, antza, gizonezko gaztea da eta ez dago arrisku taldeen artean.
Jakin bezain laster, enpresako zuzendaritza harremanetan jarri zen dagokion zentro epidemiologikoarekin eta iradokitako neurriak ez ezik, gehiago ere hartu ditu.
Horrela, bulegoetako langileei etxean geratzeko agindu die, telelana baliatuta. Horrez gain, beharginek egunero neurtu behar dute euren tenperatura, birritan.
Halaber, gaur goizean kanpoko enpresa batek desinfekzioa egingo du lantegiko eta bulegoko esparru guztietan eta langileei desinfektatzeko baliabideak jarriko dizkiete eskura.
Enpresak berak informatu ditu langile guztiak hartutako neurriei buruz.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
