Laudioko kultura etxeak, kiroldegiak, euskaltegiak eta udal liburutegia ere itxiko dituzte

Erredakzioa 2020ko martxoaren 11
Deskargatu Info Ahotsak :

Laudioko Granja kiroldegia itxiko dute, besteak beste. / Aiaraldea.eus

Bihar neurri gehiagoren berri emango du tokiko erakundeak.

Laudioko kultura etxea, kiroldegiak, euskaltegiak eta udal liburutegia ere itxiko dituzte bihartik -martxoak 12- aurrera, COVID19 gaixotasuna (Koronabirusa gisa ezagutzen dena) prebenitzeko. Laudioko Udalak eman du erabakiaren berri.

Hau dio zehazki tokiko erakundearen oharrak: “bihartik aurrera, martxoaren 12tik  aldi baterako etenda geratuko da udalerriko hezkuntza, kirol eta jolas-jarduera guztia, hala nola liburutegia, euskaltegia, kultura-etxeak eta kiroldegiak”.

Gainera, udalak iragarri du bihar emango dutela neurri gehiagoren berri, “Laudion koronabirusaren hedapena” geldiarazteko. “Laudioar herritarrei eskatzen zaie Udaleko kanal ofizialen bidez informatuta egon daitezela, hala nola erakundeen sare sozialen eta Laudio.eus web orriaren bidez”.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide