aiaraldea.eus

Edu Canterla: "Ez erosi Internet bidez asperdura kentzeko, beharrezkoak diren horniketa zerbitzuak egin nahi ditut"

Erabiltzailearen aurpegia Aitor Aspuru Saez   Ekonomia  Laudio

Edu Canterla laudioarrak mezua zabaldu zuen atzo herritarren artean modu zentzudunean erabil dezaten bidalketa zerbitzua.

Edu Canterla: "Ez erosi Internet bidez asperdura kentzeko, beharrezkoak diren horniketa zerbitzuak egin nahi ditut"
Edu Canterla atzo, bere lana egiten zuen bitartean. / Aiaraldea.eus | Ikusi handiago | Argazki originala

Momentuz, inork ez dio txalorik eskaini Edu Canterlari, baina berak lanean jarraitzen du egunero, nahiz eta alarma egoera ezarri. Beste asko bezala, banatzailea da, eta egun hauetan etxez etxe dabil, enpresa erraldoi baten eskaerak bideratzen. Berez, atzo argazkia egitea ezin errazagoa izan zen, herrigunean baitabil bere lana egiten goiz osoan.

Izan ere, bere lan zama, antza, ez da jaitsi, guztiz kontrakoa, eta horregatik mezua zabaldu zuen atzo sare sozialetan jendeari jakinarazteko berebiziko beharrak asetzeko dagoela, eta ez norberaren asperraldia ekiditeko.

Horrela adierazi zuen: "Elkartasuna, mesedez, gutxitu harramanak ahal bezain beste. Nire familia ez dago itxialdian ni egunero 100 lagunekin tratua izateko, jostailuak eramaten zuen seme-alabak entretenitzeko. Lehen mailako beharrak asetzeko zerbitzuak eman nahi ditut, eta hauek ez dira".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa