4 koronabirus positibo berri diagnostikatu zituzten atzo eta datuak egonkortzen ari dira

Laudioko anbulatorioa, iragan astean hartutako irudi batean. / Aiaraldea.eus

Herri gehienetan gaixoen kopurua ez da aldatu azken lau egunetan eta soilik Amurrion eta Aiaran handitu da kutsatuen taldea.

Igandeko datuekin alderatuta, igoera txikia eman bada ere koronabirusaren positiboetan. Herri gehienek mantendu dute kasu kopurua. Salbuespenak izan dira Amurrio 3 gaixo gehiagorekin eta Aiara, kutsatu bat gehiago baitu.

Osakidetzaren azken txostenaren datuen arabera, 189 positibo jaso dira Aiaraldean; 75 Laudion, 58 Amurrion, 19 Urduñan, 14 Aiaran, 8 Artziniega, 10 Orozkon eta 5 Okondon.

Laudiok ez du Covid-19 kasu berririk izan azken 3 egunetan eta Urduñan, Artziniegan, Orozkon eta Okondon, ordea, 4 egun bete dituzte gaixo berririk topatu gabe.

Badirudi pandemiaren unerik latzenak martxoaren 25etik 29ra izan zirela. Egun horietan 74 positibo diagnostikatu zituzten. Azken 5 egunetan, ordea, 18 izan dira. Hau da, martxoko 5 egun horietan kutsatu guztien %39a identifikatu zituzten eta azken 5 egunetan, aldiz, %9,5a.

EAEn 9.021 dira kutsatuak guztira. 4.717 Bizkaian, 2.744 Araban eta 1.560 Gipuzkoan. Hildakoak 586 dira, hau da, gaixoen %6,5a.

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide