Lan istripua Tubacexen: makina batek behargin baten hanka harrapatu du

Txabi Alvarado Bañares 2020ko maiatzaren 8a
Deskargatu Info Ahotsak :

Ezbeharra gertatu da gaur goizean Tubacexek Laudion duen lantegian. Makina batek mantenuko behargin baten hanka harrapatu du. Larrialdi zerbitzuak bertaratu dira eta ospitalera eraman dute langilea. 

Senideek Aiaraldea hedabideari jakinarazi diote behargina Bilbon dagoela, mutuan, zauriak artatzen. Antza, istripua gertatu denean minutu ugari behar izan dituzte hanka makinatik askatzeko. Hala ere, langileak ez omen du ezer apurtuta. 

Lan istripuek ez dute etenik Aiaraldean. Duela hiru egun eskas jazo zen azken lan heriotza, Luiaondon. Eskualdeari lotutako sei behargin hil dira  urtea hasi zenetik. Horietako bi Tubacexeko langileak ziren. Tubos Reunidoseko langile batek ere ospitalean amaitu zuen apirilaren amaieran. 

Tubacexeko beharginek gainera, behin baino gehiagotan eskatu dute segurtasun neurriak zorroztea:

Albistea eguneratzen joango gara informazio gehiago izan ahala.

Ekonomia Laudio
Erlazionatuak
Lan istripuak: Aiaraldeko pandemia zaharrak ez du etenik
Lan istripuak: Aiaraldeko pandemia zaharrak ez du etenik

Aitor Aspuru Saez 2020 mai 05 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide