Laudioko parrokiak berriz irekiko dira publikoarentzako astelehenean, maiatzak 11, haien ohiko ordutegietan, Ugartekoa izan ezik, zeinak momentuz larunbatetan 20:00etan eta igandeetan 12:00etan soilik ospatuko dituen mezak. Hiletek, berriz, asteazkenera arte itxaron beharko dute.
Dena den, gurtza guneen aforoa herenera mugatuko da, legeak hala eskatuta: Aretako Santa Anak 50 pertsona izango ditu gehienez, Ugarteko San Ignacio de Loyolak 60, Gardeako Santa Cruzek 61 eta San Pedroko elizak 105. Era berean, koroak ezingo dira bertaratu.
Heldu diren ordenan sartu ahalko dira pertsonak elizetara, eta segurtasuna mantentzen dela bermatzeko boluntarioak egongo dira. Era berean, aldez aurretik finkatutako tokietan soilik jarri ahalko dira sartzen diren lagunak; maskaren erabilera ere gomendatzen da. Sarreretan desinfektatzeko gel hidroalkoholikoa egongo da.
Alarma Egoera iraun bitartean zendu diren pertsonen hiletak maiatzaren 25etik aurrera egingo dira, antzinatasun ordena jarraituta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
