Bozka erabilgarriaren aldeko apustua egitea eskatu du gaur arratsaldean EAJk Laudioko topaketan

Iñigo Urkullu lehendakariak ziurtatu du jeltzaleak direla  EAEko gizartea COVID-19ak sortutako krisi sozioekonomikotik altxatzeko aukera onena, eta aurreko krisialdi ekonomikoa eta geroztik izandako hazkuntza ekonomikoa jarri ditu horren eredu gisa.

COVID-19ak sortutako krisitik ateratzeko aukerarik hoberena EAJri "bozka erabilgarria" ematea dela ziurtatu du gaur arratsaldean Iñigo Urkullu lehendakariak Laudion egindako topaketan, gizartea sozialki eta ekonomikoki “berriz altxatu” dadin. Era berean, 2012an, lehenengo aldiz lehendakari izendatu zutenean, langabezia % 10etik behera jaistea zuen helburu, eta lortu duela nabarmendu du Urkulluk. Hortaz, antzeko helburua planteatu du datorren legegintzaldirako, eta alarma egoerak iraun duen bitartean izandako konpromiso bera eskatu die euskaldunei.

Andoni Ortuzar, Eukadi Buru Batzarreko burua, ildo beretik aritu da bere hitzartean, eta azpimarratu du eurak direla Euskadirentzako baliagarria den “benetako alternatiba zurrun bakarra". Horren harira, hauteskunde hauen garrantzia azpimarratu nahi izan du Ortuzarrek, estatuko alderdietako buruak EAEn mitinak ematen ari direla esanez. Hala ere, nahiz eta inkestek EAJren garaipena aurreikusi, Ortuzar ez da konforme ageri nahi izan eta alderdi horiek “beldurra” ematen diotela adierazi du.

Estibaliz Larrauri parlamentariak, berriz, emakumeen egoera hobetzearen eta kontziliazioa erraztearen aldeko apustua egin behar dela esan du bere agerraldian. Gainera, nabarmendu du uztailaren 12ko hauteskundeak ez direla “esperimentu edo burutazioetarako” garaia, eta esperientziaren eta boto erabilgarriaren aldeko apustua egitera animatu nahiz izan ditu herritarrak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide