Hodei Oleaga fitxatu du Barakaldo CF taldeak

Aitor Aspuru Saez 2020ko abuztuaren 6a

Talde berriak Hodei Oleaga aurkeztu du jadanik. / Barakaldo CF

Oleagak uztailaren amaieran utzi zuen Athletic Cluba eta jadanik Barakaldo CF klubeko jokalaria da.

Hodei Oleagak astebete baino gutxiago itxaron behar izan du talde berrian hasteko. Izan ere, atzo Barakaldo CF klubak jakinarazi zuen bere atezaina izango dela laudioarra.

Oleagak azken urteak Athletic Clubeko diziplinan eman ditu, 2017/2018 eta 2018/2019 denboraldiak bigarren taldean egin zituen eta azken horretan hirugarren atezainaren tokia egokitu zitzaion askotan. 2019/2020 denboraldian Ibaiganeko klubak erabaki zuen Melillari lagatzea, 2. B mailan. Hala ere, denboraldi amaiera lehen taldearekin egin zuen, entrenatzaileak hala eskatuta.

Barakaldorekin 2. B kategoriara itzuliko da. Izan ere, Ezkerraldeko taldea brontzezko mailako klasikoa da. Laudioarrak Athletic Clubeko jokalaria izandako entrenatzailea izango du, Aitor Larrazabal, hain zuzen.

Kirola Laudio

Erlazionatuak

Hodei Oleagak Athletic Cluba uztea adostu du

Aitor Aspuru Saez 2020 uzt 31 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide