Ane eta Ainizek girotuko dute ostiral honetako Faktoria Arrastia

Txabi Alvarado Bañares 2020ko abu. 12a, 07:00
Ainize Perez ugaoarrak eta Ane Gonzalez arrigorriagarrak eskainiko dute kontzertua

Laudioko Abasto plazan izango da emanaldia. Streaming bidez jarraitu ahal izango da zuzenean Aiaraldea.eus atarian. 

Ane eta Ainize bikoteak girotuko du ostiral honetako -abuztuak 14- Faktoria Arrastia. Arratsaldeko zortzietatik aurrera izango da kontzertua, Aiaraldea Ekintzen Faktoriako Ekonomatuak Laudioko Abasto plazan atondu duen terrazan. 

Osterabe talde akustikoko kide ohiak dira Ainize Perez ugaoarra eta Ane Gonzalez arrigorriagarra. “Euskal abestiak jotzen ditugu, erreferentziatzat ditugun egileenak”, azaldu du Perezek. Erdaraz ere kanta “baten bat” jotzen dutela gehitu du musikariek, “baina abesti guztiek istorio edo kontakizunen bat dute atzean”.  

Ohikoan bezala, Ekonomatuak tokiko produktu ekologikoekin eginiko afariak eta barra zerbitzua eskainiko ditu kontzertuak irauten duen bitartean. 

Aiaraldea Hedabideak, aldiz, zuzenen emitituko du kontzertua, Aiaraldea.eus atarian. Hemen ikusi daitezke orain arte grabatutako emanaldietako batzuk:

Hurrengo kontzertuak

Beste lau emanaldiz gozatzeko aukera egongo da Abasto plazan datozen asteetan. Emanaldi guztiak izango dira arratsaldeko zortzietatik aurrera. Datorren asteko larunbatean -abuztuak 22- Ekiza igoko da oholtzara, Willis Drummond talde ezaguneko kidea:

Abuzturen 28n, aldiz, Esne Potak talde laudioarraren txanda izango da:

Peru Galbetek eskainiko du azkenaurreko kontzertua, 29n. Musikari donostiarrak Nor zar zu? Diskoa aurkeztu du, taldearekin:

Irailaren 5ean, aldiz, Birkit entzuteko aukera egongo da:

Kultura Laudio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide