AZKEN DATUAK

4 kasu positibo gehituta, 500 dira Aiaraldean orain arte gaixotutakoak

Musukoa jantzita bi herritar, pandemia hasi zenean ateratako irudi batean. / Aiaraldea.eus

Osakidetzaren txostenaren arabera, atzo 3 kasu frogatu zituzten Laudion, eta bat Artziniegan.

Osakidetzak plazaratutako txostenean azaltzen denez, atzo Laudion 3 kasu positibo berri identifikatu ziren, eta bat Artziniegan. Herenegun Urduñan kasu bat egon zen,  baina ordutik ez dira eriak areagotu. Guztira, gaur arte 500 lagun gaixotu dira Aiaraldean pandemia hasi zenetik.

Orotara, atzo 6.617 test egin ziren, eta horietatik 510 izan ziren positibo eman zutenak Araban, Bizkaian eta Gipuzkoan. Horietatik arabarrak 112 izan ziren, eta bizkaitarrak 292. 

Gauzak horrela, herrika Aiaraldean detektatutako positiboen kopurua ondorengoa da pandemia hasi zenetik:

  • Laudio: 199
  • Amurrio: 132
  • Aiara: 69
  • Urduña: 48
  • Okondo: 7
  • Orozko: 27
  • Artziniega: 18
  • Arakaldo: 0
  • Arrankudiaga-Zollo: 0
  • Aiaraldea: 500

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide