Ekizak girotuko du asteburu honetako Faktoria Arrastia

Gitarra baliatuta eskainiko du kontzertua Ekizak. / Igor Zalbidea

Hurrengo asterako programatuta zeuden kontzertuak -Esne Potak eta Peru Galbeterenak- bertan behera geratu dira. 

Jurgi Ekizak eskainiko du larunbat honetan kontzertua Laudioko Abasto plazan, Faktoria Arrastiak kultura dinamikaren barruan. Willis Drummond taldeko gitarra-jole eta abeslaria da Ekiza, baina bera bakarrik igoko da Aiaraldea Ekintzen Faktoriako Ekonomatuak atondutako oholtzara, bakarlari gisa sortu dituen abestiak jotzera. 

Aiaraldea Hedabideak zuzenean emitituko du emanaldia, Aiaraldea.eus atarian. Kontzertuak iraun bitartean produktu ekologikoekin eginiko afariez zein barra zerbitzuaz gozatzeko aukera egongo da Abasto plazan. 

Hurrengo bi emanaldiak, bertan behera

Hurrengo asterako bi kontzertu zeuden programatuta: Esne Potak talde laudioarrarena eta Peru Galbete musikari donostiarrarena. Baina biak ala biak geratu dira bertan behera, Laudioko jaietako datetan egitekoak zirelako eta udalak egun horietan toki publikoetan ekitaldiak antolatzeko baimenak bertan behera utzi dituelako, jende pilaketak ekiditeko.

Gauzak hala, irailaren 5ean jarraituko du Faktoria Arrastiak zikloak, Birkit musikari bilbotarraren eskutik: 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide