Birkitek bere taldearekin hartuko du bihar Abasto plaza, Faktoria Arrastiak zikloaren azken emanaldian
Aitor Aspuru Saez
2020ko ira. 4a, 15:05
Birkit musikaria eta bere taldea izango dira bihar Arrastiak Faktorian ekimenaren protagonistak 20:00etatik aurrera.
Birkit gitarjole eta abeslariak bihar emango du lehen kontzertua bere taldearekin. Laudioko Abasto plazan izango da hitzordua 20:00etan Faktoria Arrastiak ekimenaren barruan.
Egitasmoko aurreko bi kontzertuak (Esne Potak eta Peru Galbeterenak) bertan behera geratu ziren, Laudioko Jaien datekin kointziditzen zutelako eta data horietan toki publikoetan ekimenak egiteko baimen guztiak bertan behera geratu zirelako. Larunbat honetakoa izango da zikloaren azken emanaldia. Beti bezala, tokiko jakiak eta edariak dastatzeko aukera emango du Aiaraldea Ekintzen Faktoriako Ekonomatuak.
Bere aldetik, Birkit musikariak atzerriko folk eta rock independenteak zipriztindutako abesti sorta eskainiko du. Bere taldea lideratu baino lehen, Birkitek gitarra klasikoko ikasketak egin zituen. Gero soinu elektrikoan murgildu zen eta bi taldetan militatu zuen (Eorann eta Red Carmine) noise-rock, post-rock eta shoegaze generoak landuta.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
