Mobilizazio bateratua egin dute Aiaraldeko pentsiodunek

Txabi Alvarado Bañares 2020ko urriaren 1a
Deskargatu Info Ahotsak :

None
None
None
None
None
None
None

Aiaraldeko pentsiodunen mobilizazio zikloak ez du etenik. Gaur Laudion azoka eguna zela baliatu dute Herriko plazan eskualdeko elkarretaratzea deitzeko. 

Hainbat aldarri plazaratu dituzte, horietako batzuk aski ezagunak: gutxieneko pentsioa 1.080 eurotakoa izatea, sendagaiei ezarritako kopagoarekin amaitzea edota pobrezia energetikoarekin amaitzea, besteak beste. 

Aiaraldean bulegoak dituzte finantza-entitateetan ere jarri dute fokua. Izan ere, eskualdeko sukurtsaletan eta kutxazainetan eskaintzen den zerbitzua geroz eta murritzagoa dela uste dute, eta horrek pertsona nagusiei eragiten diela nabarmendu. Hori “banku publiko bat” ez izatearen ondorio dela gaineratu dute pentsiodunek, “kasu horretan interes kolektiboa gailenduko litzateke”.

Gauzak hala, eskualdean eskaintzen dituzten zerbitzuak hobetu eta arintzea eskatu diete finantza-erakundeei. 

Argazkiak: Jose Mari Gutierrez

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide