Parter Capitalek 5 milioi euroko inbertsioa egingo du Guardian Automotiven 3 instalazio berri jartzeko

Laudioko lantegia, artxibo irudi batean. / Iban Pagalday

Guardian enpresari Laudioko lantegiko zati bat erosi ostean, Parter Capital Groupek 5 milioi euroko inbertsioa iragarri dio Langile Batzordeari. Lanpostu berririk sortuko ez badu ere, etorkizuna herrian errotzeko bidetzat jo dute beharginek.

Otsailean Guardian Automotive eskuratu eta gero, Parter Capital Groupek 5 milioi euroko inbertsioa egiteko konpromisoa hartu du Laudioko langileekin. Enpresa batzordeko kide batek Aiaraldea Hedabideari azaldu dio hornitzaileekin kontratua sinatu dutela jadanik eta 2021eko udazkenean dena abian egotea espero dutela.

3 instalazio berri

Sindikatuek argitu dute dirua 3 azpiegitura berri jartzeko balioko duela: garbilgailua, laminazio lerroa eta ikuskatze sistema berria. Berez, garbigailua izango da berrikuntza. Tresna horrek beira hobeto ekoizteko balioko du, emaitza hobeak izateko eta kostuak murrizteko.

Lamizazio lerroan, aldiz, dagoen sistema ordezkatu eta modernizatuko dute. Akats gutxiago izango du produktuak horri esker.

Azkenik, ikuskatze sistemak ere berrikuntza ekarriko du. Orain 3 langilek dute ardura hori. Eurak arduratzen dira beira ondo dagoela ziurtatzeaz. Instalatuko den bitartekoa, ordea, automatizatua egongo da eta inteligentzia artifiziala baliatuko du.

Lanpostu berririk ez

Inbertsioak enplegu gehiago sortuko ez badu ere, enpresako sindikatuak oso pozik daude erabakiarekin: "Uste dugu proiektu ekonomikoa Laudion errotzeko modua dela, herriaren eta eskualdearen mesederako. Egia da lanpostu berririk ez duela ekarriko modu zuzenean, baina bezero berriak lortzen baditugu, ekoizpena handitu daiteke eta, ondorioz, baita kontratazioak ere".

Guardianen inbertsiorik ez

Langileen ordezkariek ere azpimarratu nahi izan dute erabakia ez duela Guardianekin zerikusirik: "Guardianek enpresaren zati hau saldu zuen eta urteetan ez du inbertsiorik egin. Egia da oraindik Guardian Automotive deitzen dela marka, baina merkatuagatik da".

Erlazionatuak

Guardian enpresako automobilen linea erosi du Parter Capital Group AG inbertsio talde suitzarrak

Laudio

Inbertsio taldeak ez omen du langilerik kaleratzeko asmorik. Hala ziurtatu du Guadianeko zuzendaritzak gaur langileen ordezkariekin izandako bilera...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide